19:02:52 2019-06-06
Sata E., një shqiptar 28-vjeçar, para pesë muajsh kishte fitur lejeqëndrim në Francë si refugjat politik. Gjatë gjykimit të tij për shitjen e disa gramë kokaine, ai shprehi „keqardhje“.
Ai ka deklaruar se nga vendi i tij i origjinës është arratisur për shkak të orientimit të tij seksual, shkruan „Nice Matin“, përcjell Shtegu.com.
Tek ai ishin gjetur dy celularë, pesë qese plastike dhe 610 euro në bankënota të imëta: „Paratë e dërguara nga motra ime në Shtetet e Bashkuara“, ka pohuar i pandehuri.
Gjyqtari kërkoi gjashtë muaj dënim të kushtëzuar, një kërkesë edhe e prokurorisë.