19:51:37 2018-01-07
Një pilot gjerman ka gjetur vdekjen gjatë kësaj jave në aeroportin finlandez në Kittilä, pasi dera e avionit ishte hapur parpitmas dhe e kishte goditur ate. Një lajm të tillë e ka publikuar faqja „Aero Telegraph“, përcjellë Shtegu.com.
Sipas mediave finlandeze, piloti 50-vjeçar gjerman, ka qenë duke iu afruar avionit të llojit „Gulfstream“, me të cilin është dashur të fluturojë. Papritmas hapet dera e avionit dhe e godetë pilotin nga sipër. Ai ndërron jetë në vendin e ngjarjes edhe përkundër përpjekjeve të ekipit mjekësor për ta reanimuar.
Autoritetet finlandeze kanë filluar hetimet e menjëhershme, por për momentin nuk dyshojnë në ndonjë krim të mundshëm. Avioni i regjistruar në Austri është dashur të fluturojë për në Yekaterinburg të Rusisë. Mbetet i paqartë qëllimi i udhëtimit. (Shtegu.com)