Amor D. (55), të hënën pranoi një letër paralajmëruese kurioze nga zyra zvicerane e tatimeve: Ai u kërcënua me zbatimin e borxhit nëse nuk paguan 15 centë nga fatura e tij e kaluar tatimore
Kur Amor D. po e mbante letrën në duar, ai nuk mund t’u besonte syve të tij: Zyra e tatimeve në Wädenswil po kërkonte prej tij 15 centë. Këshilltari afarist kishte 20 ditë kohë për ta paguar faturën, shkruan „20 Minuten“. „Nëse brenda kësaj kohe nuk e paguani, do të jemi të detyruar t`ju dërgojmë të përmbaruesi“, thuhet në letrën paralajmëruese.
„Kjo tingëllon shumë e paarsyeshme“, thotë Roger Kempf nga zyra e taksave në Wädenswil. „Letra paralajmëruese është më e shtrenjtë se 15 centët e papaguar“. Është një gabim teknik: „Shuma minimale që ne zakonisht e kërkojmë është shumëfishi i 15 centëve“.
Letra tek Amor D. arriti të hënën e kaluar, transmeton Shtegu.com. Sipas D., shuma e papaguar vjen nga fatura tatimore e vitit 2018, të cilën ai e ka paguar me këste. E fundit ishte pritur gjatë verës.
Amor D. nuk dëshiron ndonjë telashe me autoritetet tatimore. Menjëherë pasi mori letrën, 55-vjeçari transferoi shumën në zyrën e tatimeve. „Unë madje u pagova 20 centë“, thotë Amor D. – si provë: „Të shohim nëse do të jetë anasjelltas dhe a do të m`i kthejnë 5 centët“.
Amor D.