Tre javë më parë, Zvicra e kishte njërën nga situatat më të mira në Europë. Tani një nga më të këqiat. Nëse në spitale numri i infeksioneve dhe shtrimeve nuk ulet shpejt, Këshilli Federal zviceran do të vendosë për masat e mëtejshme
Tani çështja është serioze. Koronavirusi po përhapet në Zvicër me një shpejtësi marramendëse. Numri i rasteve është dyfishuar brenda një jave. Zyra Federale e Shëndetit Publik (BAG) të mërkurën raportoi 5 596 infeksione të reja – plus 115 pranime në spital dhe njëmbëdhjetë vdekje të reja.
Ministri i Shëndetësisë Alain Berset (48), për mediat zvicerane të mërkurën ka deklaruar se situata është shqetësuese dhe po përkeqësohet me shpejtësi, informon Shtegu.com. Në mënyrë që të mund të parandalohet një bllokim, tani masat duhet të ndiqen vazhdimisht. Puna e zyrës nga shtëpia nuk është vetëm një parullë. Edhe ahengjet private do të shtyhen.
„Për momentin gjërat nuk janë duke shkuar mirë në Zvicër“, sqaroi Berset. „Ne duhet të reagojmë“. Për këtë arsye, Këshilli Federal zviceran qysh të dielën kishte dekretuar masa të mëtejshme, të tilla si një kërkesë e përgjithshme për mbajtje të maskës.
Ministri i Shëndetësisë gjithashtu i sheh kantonet si përgjegjëse. Ato tashmë kanë bërë shumë dhe kohët e fundit disa kanë vendosur për masa të mëtejshme. Por ka akoma më shumë hapësirë veprimi.
Koha po kalon. Me rritjen e shpejtë të numrit të rasteve, po rritet gjithashtu edhe numri i shtrimeve në spital. Nëse gjërat vazhdojnë me këtë ritëm, sistemi shëndetësor zviceran së shpejti mund të stërngarkohet, tha Berset.
Për këtë arsye, Këshilli Federal e ka shtuar intensitetin: „Nëse masat nuk kanë ndonjë efekt, ne do të miratojmë masa më të rrepta të mërkurën e ardhshme“, sqaroi Berset, transmeton Shtegu.com. Kjo do të ndikonte në hapësira të qasshme nga publiku, por edhe manifestime dhe takime.
“Dy ose tre javët e ardhshme janë thelbësore për ne. Vetëm së bashku mund ta luftojmë virusin”, i bën thirrje popullatës Berset. Për shkak se, një mini bllokim i përkohshëm, për shembull, dy javë, siç vendosi për diskutim këto ditë Zyra Federale e Shëndetit Publik (BAG), duhet të parandalohet me çdo kusht.
Një „ndërprerës qarku“ i tillë – në anglisht „sportel i mbingarkesës“ – do të nënkuptojë se të gjitha kontaktet do të zvogëlohen sa më shumë që të jetë e mundur, në mënyrë që të zhduket virusi. Kjo do të thotë: Dyqanet dhe bizneset e tjera do të mbyllen, në rastin më të keq do të vendoset edhe një shtetrrethim.
„Ne me të vërtetë shpresojmë që të mund të parandalojmë masa më drastike,“ tha Berset. „Ne gjithashtu duhet të jemi në gjendje të jetojmë“. Në muajin mars, popullata gjithashtu tregoi se ajo mund ta kalojë një situatë të vështirë me shumë përgjegjësi personale.
Përgjegjësia personale tani përsëri është gjithnjë e më e kërkuar. “E rëndësishme nuk është se çfarë vendosim ne politikanët. Virusi nuk është i interesuar për këtë”, tha Berset. „Ajo që ka rëndësi është se çfarë bën popullata“. Njerëzit do të duhet t’u përmbahen masave mbrojtëse në mënyrë më të vazhdueshme.
Këshilli Federal tashmë ka diskutuar masat e mëtejshme për javën e ardhshme (të mërkurën), nëse masat e reja nuk do të funksionojnë siç dëshirohet. „Nëse situata nuk përkeqësohet brutalisht në dy ose tre ditët e ardhshme, ne do të përdorim masa të tjera për të parandaluar mbylljet e mëtejshme“, tha Berset. Ky është gjithashtu qëllimi i masave të mëparshme.
Në politikë, zakonisht asgjë nuk ndodh nëse dikush është joaktiv. Berset: „Nëse jemi joaktiv këtu, situata do të përkeqësohet“. Dikush nuk dëshiron të futet në një situatë që është e pashpresë. Kjo është arsyeja pse duhet të shikoni nga afër se si zhvillohen numrat.
Vetëm dy gjëra përjashtohen aktualisht: për shumë muaj thjesht të mbyllet gjithçka dhe të shikohet se çfarë ndodh – dhe, të mos bëhet asgjë dhe të shikohet se çfarë do të ndodhë. Gjithçka është e mundur në mes. „Ne përpiqemi të bëjmë sa më pak dëm të jetë e mundur, si në shëndetësi ashtu edhe në ekonomi“, tha ministri zviceran i Shëndetësisë.