Zvicra i injoroi mediat e migrantëve gjatë krizës së koronavirusit ?!

Qeveria federale zvicerane po lëshon komunikata dhe te shumica e njerëzve informatat arrijnë me vonesë: Si e mbajnë popullsinë migrante të azhurnuar në krizë, disa media të ndryshme me pak mjete financiare.

A e dini tashmë? Se si t`i lani siç duhet duart tuaja, kur të qëndroni në shtëpi – ose diçka më të përparuar: Në lidhje me ndryshimin midis vetë-karantinimit dhe vetë-izolimit? Po, ju mund të thoni, BAG-u po nformon, edhe Këshilli Federal gjithashtu. Po për personat në Zvicër që nuk flasin ndonjërën nga gjuhët kombëtare ose anglisht? Po për ata të cilët nuk i përdorin kanalet mediatike konvencionale ose i përdor ato pak, të cilët mezi presin konferencën për shtyp të Këshillit Federal të premten pasdite? Rruga e burokracisë mund të jetë e gjatë: U desh një javë derisa fletushkat e fakteve të Ministrisë zvicerane të Shëndetësisë (BAG) të përktheheshin në njëmbëdhjetë gjuhë. Një javë e tërë: Kjo është një kohë e gjatë këtyre ditëve, shkruan „Wochenzeitung“, informon Shtegu.com.

Atëherë, çfarë të bëhet nëse shumë migrantë informohen dobët përmes mediave tradicionale? Bülent Kaya, i cili është përgjegjës për Migesmedia, një platformë koordinimi për mediat, për popullatën migrante pranë Kryqit të Kuq zviceran, thotë se informacionet në gjuhën amtare dhe videot kanë më tepër qasje. „Mërgimtarët me më pak arsim, nuk shkojnë direkt në faqen e internetit të BAG për të shkarkuar ndonjë fletushkë atje“, thotë Kaya dhe për këtë arsye është e vështirë që informacioni të arrijë te ta. Mediat sociale si Facebook kanë luajtur një rol të rëndësishëm – dhe, mbi të gjitha, vetë mediat e migrantëve.
Hendeku i informacionit që u krijua gjatë periudhës zyrtare të një jave përkthimi, u plotësua nga vetë migrantët: Përmes iniciativave të tyre për media, kryesisht përmes mediave sociale. Aktori më i rëndësishëm në këtë fushë është Diaspora TV – 48 orë pas shfaqjes së videos zyrtare të BAG, transmetuesi i kishte përgatitur ato në njëmbëdhjetë gjuhë dhe i kishte bërë të kapshme në Facebook. Ndërkohë, të gjithë gazetarët vullnetarë janë duke prodhuar programe mbi koronavirusin në nëntëmbëdhjetë gjuhë dhe videot janë shikuar gjithsej dy milionë herë.

Ndërkohë, nisma të tjera të tilla si Shoqata e mediave eritrease ose «Albinfo» janë fokusuar në bashkësi specifike të migracionit. Këto projekte shpesh janë të rrënjosura thellë në bashkësitë e tyre përkatëse dhe gëzojnë shumë besim. Ndikimin e tij mbi komunitetin shqiptar në Zvicër, Sevdail Tahiri, drejtor i «Albinfo», e konsideron si të madh. Tashmë tre vite, revista botohet në internet dhe në shtyp, në gjuhën shqipe, gjermanisht dhe frëngjisht dhe është përgatitur një botim i veçantë mbi koronavirusin. Në fillim të krizës së koronavirusit, ata kishin vërejtur se shumë njerëz shqipfolës në Zvicër ishin të informuar dobët dhe për këtë arsye kishte nevojë për veprim. Përveç rregullimit të masave mbrojtëse, «Albinfo» gjithashtu jep informacion në lidhje me efektet ekonomike të virusit, veçanërisht në bizneset më të vogla.

Puna e Diaspora TV dhe mediave të tjera të udhëhequra nga migrantët është jashtëzakonisht e rëndësishme, thotë Bülent Kaya. Pa përgjigjen dhe angazhimin e tyre të shpejtë, shumë migrantë nuk do të informohen aq mirë. Ai ishte i kënaqur me mënyrën në të cilën u mor përgjegjësia, informon më tej Shtegu.com.

Fakti që Diaspora TV, «Albinfo» dhe media të tjera të popullsisë migrante ishin në gjendje të reagonin kaq shpejt ndaj krizës, gjithashtu mund të ketë të bëjë me faktin se ata tashmë kishin një infrastrukturë funksionuese. Sidoqoftë, ata gjithashtu varen shumë nga puna që gazetarët e tyre vendosën vullnetarisht në projekte pa paga. Diaspora TV tani ka marrë para nga projekti i BAG dhe Sekretariati shtetëror i migracionit, i cili bashkëfinancon prodhimin e videos për koronavirusin. Gjithashtu mund të aplikohet në Migesmedia për kontribute të projektit.

Sidoqoftë: „Është problem që kjo punë nuk vihet re nga publiku“, thotë Kaya – ai gjithashtu dëshiron që organizatat shëndetësore t`i integrojnë mediat e migrantëve drejtpërdrejt në fushatat e tyre dhe t’i njohin ata si partnerë. Në situatën aktuale të jashtëzakonshme, ju mund të shihni qartë se sa të rëndësishme janë ato për migrantët dhe kështu për tërë Zvicrën. Shikimi dhe financimi i tyre si pjesë integrale e peizazhit të mediave lokale duhet të jetë çështje e zgjidhur.