Kryetari i Aleancës për Shqiptarët Ziadin Sela, nëpërmjet një shkrimi në rrjetin social Facebook, ka përkujtuar 7 vjetorin e ndarjes nga jeta të politikanit të shquar Arbën Xhaferi.
Lideri i Aleancës për Shqiptarët ka cilësuar Xhaferin si një ndër njerëzit e mëdhenj të kombit, duke treguar që ka pasur fat që e ka pasur dhe kryetar si dhe tani ka privilegjin që vazhdon rrugën e tij me shumë bashkëmendimtar të tjerë.
“‘Njerëzit e mëdhenjë lindin për të mos vdekur kurrë. U ndave nga kjo jetë para shtatë vitesh Arbën Xhaferi. Je i gjallë dhe frymon akoma nëpërmjet porosive që na le. Kisha nderin që të pata kryetar dikur dhe kam privilegjin sot të vazhdoj rrugtimi tënd bashk me mijêra bashkëmendimtar që ti i krijove” ka shkruar lideri i ASH-së, Ziadin Sela
Ndryshe sot bëhen shtatë vite nga ndarja e jetës së Arbën Xhaferit, për të cilin sot ka pasur dhe shkrime nga politikanë të tjerë, kryesisht nga Kosova dhe Shqipëria.