14:19:07 2019-06-30
Futbollistja shqiptare e Përfaqësueses zvicerane, Florijana Ismaili është zhdukur që nga e shtuna. Tani është pronocuar edhe Federata zvicerane e futbollit.
Që nga kërcimi në ujë nga një varkë e vogël e huazuar me qira në liqenin e Komos, futbollistja shqiptare 24-vjeçare, Florijana Ismaili është shpallur e zhdukur. Tani, gjithashtu është pronocuar edhe Federata zvicerane e futbollit dhe klubi i saj YB. Në një deklaratë të thuhet: „Federata zvicerane e futbollit dhe përgjegjësit e ekipit BSC Young Boys janë informuar se Florijana Ismaili është zhdukur që të shtunën pasdite, në liqenin Komo pas një fatkeqësie në ujë“.
Kërkimet janë duke u zhvilluar edhe më tej me intensitet të plotë. „Jemi tronditur shumë, por nuk e kemi humbur shpresën se gjithçka do të kthehet në të mirë“, vazhdon deklarata më tej, përcjell Shtegu.com.
Ata duan të informohen sa më shpejt të jetë e mundur, po që se paraqiten informata të tjera. Federata dhe klubi janë në kontakt të ngushtë me anëtarët e familjes dhe kërkojnë mirëkuptim që nuk mund të jepet asnjë informatë për momentin“.
Florijana, e cila me prejardhje është nga Lugina e Preshevës, ku jetojnë shumë shqiptarë, nga ta është pagëzuar si „Shaqiri femër“, shkruan „20 Minuten“. Në një portret trevjeçar ajo përshkruhet si një grua e lumtur. Pasionin për futboll e trashëgoi nga i ati, i cili gjithashtu luante futboll dhe e merrte me vete, kur shkonte të luaj. Florijana Ismaili citohet të ketë thënë: „Kur luaj futboll, i harroj të gjitha shqetësimet e përditshmërisë. Idhulli i saj ishte futbollistja Fatmire Alushi.
Kohë më parë, nga Këshilli Kombëtar Shqiptar ajo u shpall Ambasadore e Luginës.
