Zënkë e ashpër në mes shqiptarëve në Gjermani, njëri prej tyre plagoset rëndë

13:25:32             2019-04-26

Për shkak të një tentim vrasjeje në Schönaich të Gjermanisë, hetimet i ka filluar policia gjermane për krime nga Böblingeni. Mbrëmjen e së hënës, rreth orës 22.55, para një restoranti në rrugën „Böblingerstrasse“ në Schönaich, ishte shkaktuar një zënkë në mes disa shtetasve kosovarë e shqiptarë, me ç`rast ishte plagosur rëndë një person 33-vjeçar, me disa të shtëna, shkruajnë mediat gjermane, përcjell Shtegu.com.

Pak më vonë, në polici ishte paraqitur një person 36-vjeçar, duke deklaruar se edhe ai kishte qenë i pranishëm në mosmarrëveshjen. Ai ishte arrestuar menjëherë, por shumë shpejt ishte liruar.

Ekipi hetues „Eiche“, është duke hetuar në mjedisin shqiptar dhe kosovar të viktimës, i cili është anëtar i një firme të sapoformuar ndërtimi nga Böblingeni, informon më tej Shtegu.com.

„Për të mos ndikuar tek palët në procedurë, për momentin nuk ka asnjë informacion mbi statusin e hetimit“, thotë prokurori Heiner Römhild.