Në një emision për të rinj të Televizionit shtetëror zviceran SRF, kohë më parë Zana nëntëvjeçare ka rrëfyer për jetën e saj, prejardhjen, dallimin midis jetës në Zvicër ku ajo ka lindur dhe jetës në Kosovë, prej nga janë prindërit e saj.
Lidhur me vizitat e saj në vendlindjen e prindërve, asaj më së shumti i kanë lënë përshtypje dasmat, për të cilat thotë se në Zvicër nuk ka aq shumë, ndërsa është impresionuar edhe me piqehiqet që ia përgatit shpesh gjyshja, informon Shtegu.com. Ajo gjithashtu ka rrëfyer se rruga me veturë për në Kosovë zgjatë rreth 30 orë, ndërsa me avion vetëm dy orë. Duke përshkruar dallimin midis dy vendeve, Zana nuk harron të përmend edhe arsyen përse shumica e shqiptarëve kanë ardhur në Zvicër.