Vrasja që tronditi Zvicrën e më gjerë, prindërit të frikësuar për ardhmërinë e fëmijëve

10:34:06                    2019-03-22

Vrasja e fëmijës shtatëvjecar shqiptar në Bazel të Zvicrës, ka tronditur nxënësit dhe fëmijët e tjerë. Shumica po qajnë, fëmijët kanë frikë për të shkuar në shkollë.
Shtatëvjeçari I.M. u godit me thikë në rrugë, pasditen e së enjtes, në rrugë për t`u kthyer në shtëpi nga shkolla. Autorja e dyshuar, një grua 75-vjeçare zvicerane, është dorëzuar në polici. Motivi i këtij krimi makabër, mbetet ende i paqartë, shkruajnë mediat zvicerane, njofton Shtegu.com. „Ne ende nuk e dimë se çfarë në çfarë raportesh me fëmijën ishte autroja e dyshuar e vrasjes“, thotë inspektori detective Peter Gill.

Gjatë mëngjesit të së premtes, shqetësimi është i madh. Një mal i vërtetë lulesh në vendngjarje po rritet për çdo minutë, prindërit dhe nxënësit hedhin lule. Shumë persona derdhën lot hidhërimi gjatë këtij mëngjesi.

Një nënë rrëfen se si vajza e saj kishte shkuar në vendngjarje dhe e kishte parë policinë dhe ambulancën, njofton Shtegu.com. Fëmijët menjëherë kishin filluar të flasin me njëri-tjetrin duke parashtruar lloj-lloj pyetjesh. „Fëmijët janë relativisht të frikësuar se mos ndoshta edhe atyre do t`u ndodhë diçka“, thotë një nënë tjetër. Solidariteti është i madh: „Shumë fëmijë fqinj kanë hedhur lule dhe pikëllohen për fëmijën e ndjerë“. Tani është e rëndësishme të marrësh seriozisht fëmijët dhe të shohësh se si mund të ballafaqohesh me pikëllimin e tyre.

Një nënë tjetër thotë se ajo sot i shoqëroi tre fëmijët e saj në mes të moshës 8 dhe 10-vjeçare në shkollë, edhe pse zakonisht ata rregullisht shkonin pa shoqërues. „Ata kishin frikë, kështu që unë shkova me ta“. Por, në ditët e ardhshme, ajo nuk mund ta bëjë më këtë veprim.