Vozitësi i tramvajit gjen 144.000 franga dhe i dorëzon në polici

49 Lexime

00:19:19            2016-03-06

 

 

 

Një çift bashkëshortor zviceran e kishte harruar një çantë me 144.000 franga zvicerane në një tramvaj në Bazel. Një gjetës i sinçertë e kishte dorëzuar çantën në polici.

 

 

Pasditen e së hënës, një çift bashkëshortor ishte paraqitur në polici për të denoncuar një rast jo të zakonshëm: Që të dy e kishin harruar një çantë me 144.000 franga në te, në një tramvaj të qytetit. Për fat të mirë të pronarëve, çanta ishte gjetur nga një vozitës i sinçert i tramvajit të Shërbimit të komunikacionit të qytetit të Bazelit (BVB), i cili menjëherë e kishte dorëzuar në polici, thuhet në një komunikatë të policisë zvicerane të lëshuar gjatë të premtes, njofton „Shtegu.com“.

 

 

Çifti ishte nisur për të vizituar vajzën e tyre. Gjatë zbritjes nga tramvaji, ata e kishin harruar çantën me të holla dhe disa dokumente. Vetëm pasi ishte nisur tramvaji, ata e kishin hetuar gabimin e bërë. Vozitësi e kishte hetuar çantën në stacionin e fundit dhe ia kishte dorëzuar një bashkëpunëtori të BVB-së, i cili e kishte dorëzuar menjëherë në polici. Pas verifikimit të dokumentacionit të duhur dhe zbulimit të identitetit të pronarëve, policia ka lajmëruar çiftin e lehtësuar dukshëm.

 

 

Por, vozitësi nuk mund të llogarisë në shpërblim, pasi sipas policisë: „Ai i cili gjen ndonjë gjë në një shtëpi banimi, apo në ndonjë hapësirë publike, siç është tramvaji, sipas Kodit civil, nuk ka të drejtë në shpërblim“, ka deklaruar zëdhënësi i policisë, Martin Schütz.

 
Policia kantonale e Bazelit, me këtë rast i këshillon qytetarët që shumat e mëdha të parave të tranaksionohen përmes bankës.