13:18:32 2019-06-09
Këshilltari nacional zviceran Andreas Glarner, e ka shqetësuar botën e fëmijëve të klasës së parë në Zvicër, me nxitjen e tij kundër mësueses zvicerane. Nxënësve është duke u munguar mësuesja e tyre. Elena e vogël dëshiron që gjithçka të jetë si më parë, para aksionit të „personit të marrë“.
Nxitja online e këshiltarit nacional të SVP-së, Andreas Glarner (56) kundër një mësuese të re nga Cyrihu, ka shkaktuar zemërim të gjerë. Edhe anëtarët e partisë së tij, e kanë dënuar politikanin nga Aargau, siç raportojnë mediat e ndryshme, njofton Shtegu.com.
Sipas „Tages-Anzeiger“, ditëve të fundit mësuesja e dashur ka mbetur larg nga shkolla, për keqardhje të madhe të nxënësve të saj. Në Facebook një grua ka shkruar se si vajza e saj, që ka vijuar mësimet tek mësuesja në fjalë në klasën e parë, nuk e kupton përse mësuesja e saj nuk po vinte më në shkollë: „Për shkak se është një burrë i rritur dhe i marrë, i cili bën thirrje për mendimin e mësueses“, është dashur t`i sqarojë ajo fëmijës së saj.
„Turp të keni që po e merrni shpresën e së mirës në njerëz, për fëmijët“, e ka porositur gruaja Glarnerin. Ajo shpreson në pushimin e tij nga posti.
Në vendin e saj të punës, nëna ka publikuar një vizatim që vajza e saj e ka bërë për ta ngushëlluar mësuesen e saj. Në të, shkrimtarja e vogël, me një shkrim pak sa të çalët, shkruan: „Uroj që s.rish të bëhet gjithçka mirë“.
Të martën, Glarner kishte postuar numrin e telefonit celular dhe adresën e emailit të mësuesit në Facebook dhe i kishte kërkuar asaj të jepte një mendim. Vetëm për shkak se ai e kishte vlerësuar skandaloze veprimin e mësueses që t`i informonte prindërit e një nxënësi mysliman se nuk kanë nevojë të shfrytëzojnë ditë shtesë për festën e Bajramit. Ajo u përqëndrua vetëm në rregullat që zbatohen në mënyrë të barabartë për të gjithë nxënësit, pavarësisht nga feja ose prejardhja e tyre. Pas kësaj, celulari i saj ishtë vërshuar nga thirrjet dhe ofendime të ndryshme.
Ndërkohë, dihet se veprimi i Glarner do të ketë një konsekuencë ligjore. Megjithatë, deri më tani, veprimet e Glarnerit kanë qenë pa pasoja. Për shembull, ai ishte i shetësuar që nxënësit nuk duhej të merrnin me vete mish derri në udhëtimet shkollore, sepse myslimanët shqetësoheshin prej tij.
Sidoqoftë, Elena e vogël mund të jetë e lumtur: Mësuesja e saj do të fillojë sërish mësimin nga e marta, sipas Tele M1.
