22:41:42 2019-03-29
Një baba me djalin e tij kanë vrarë një familje arinjsh në Alaskë. Nëna arushë po bënte gjumin e dimrit me dy këlyshët e saj, shrkuajnë mediat e huaja, përcjell Shtegu.com.
Kur amerikani Andreë Renner dhe i biri i tij Owen i vërejtën, Andrew e drejtoi pushkën e tij mbi ta dhe i qëlloi për vdekje.
Andreë Renner (41) dhe djali i tij Owen (18), me kujdes po i afroheshin një shpelle në Esther Island në Alaskë. Branda saj, një arushë e zezë po bënte gjumin e dimrit me dy këlyshët e saj.
Pa kurrfarë mëshire, babai e drejton pushkën mbi arushën. Nga shpella, është dëgjuar paralajmërimi i thirrjeve të këlyshëve të arushës. Ata e kishin vënë re gjuetarin dhe donin ta zgjonin nga gjumi t`ëmën, por ishte shumë vonë. Andreë qëllon, ndërsa ulërimat e këlyshëve u bënë më të mëdha. Pas kësaj, gjuetari 41-vjeçar qëllon edhe mbi ta dhe mandej mbretëron heshtje vdekjeprurëse.
Përderisa babai shuan familjen e arinjve, djali i tij i mbledh fishekët e zbrazët që kishin rënë në dëborë. Sepse: Në disa zona të Alaskës, vrasja e arinjve lejohet, por jo edhe në këtë zonë. Kjo ka qenë arsyeja që ata nuk kanë dashur të lënë asnjë gjurmë. Dhe i biri Owen është i sigurt: „Asnjëherë nuk do të na hetojnë“.
Atë që nuk e kishin ditur: Para shpellës, ishte instaluar një kamerë e cila do t`i vëzhgonte arinjtë për një studim. Vrasja makabër e arinjve është dokumentuar në prill të vitit 2018.
Dy ditë më vonë, të dy u kthyen në vendin e ngjarjes për të qenë absolutisht të sigurt se nuk kanë lënë gjurmë. Por, tashmë ishte tepër vonë. Kamera e vëzhgimit kishte regjistruar gjithçka. Kur u siguruan incizimet, pasoi kallëzimi penal. Të dy gjuetarët e arinjve u ballafaquan me gjykatën.
Babai Renner do të duhet të vuaj burg për tre muaj, ndërsa do të paguaj gjobë prej 9,000 dollarësh, përcjell Shtegu.com. Djali i tij u largua me një dënim me kusht dhe shërbime komunale. Vrasësit e arinjve është dashur t`i dorëzojnë armët e tyre, pajisjen për skijim dhe kamionin që e përdornin për udhëtim. Përveç kësaj, atyre iu konfiskuan licencat e gjuetisë.
Organizata e mirëqenies së kafshëve „Humane Society“, të enjten e ka bërë publike video incizimin, që shkaktoi zemërim të madh në Alaska. Humane Society bën thirrje për ligje më të rrepta në këtë zonë, që të mbrohen më mirë kafshët e egra.