22:36:39 2017-03-17
Ishte kjo një masë drastike për politikën e brendshme austriake: Vetëm me shpenzime prej 7 mijë eurove, nga fillimi i vitit 2015, Ministria e Brendshme austriake kishte shtypur reklama për të parandaluar turmën e refugjatëve nga Kosova. Rreth 30 mijë persona ishin nisur në drejtim të Europës, edhe pse ishte e qartë se atyre nuk do tu jepej azil.
„Trafikantët ju gënjejnë. Nuk ka azil në Austri për shkaqe ekonomike“. Me këto fjalë të qarta, Ministria e Brendshme austriake kishte apeluar përmes dy gazetave më të mëdha në Kosovë, para dy vitesh që populllata kosovare të qëndronte në vend. Siç dihet, nga fundi i 2014-ës dhe fillimi i 2015-ës, situata pothuajse doli plotësisht jashtë kontrollit. Vetëm brenda një jave, nga Kosova u larguan 501 persona, ndërsa bëhet fjalë për rreth 30 mijë të tjerë të cilët u nisën në drejtim të Europës.
Kryefamiljarët u larguan vullnetarisht nga puna, por edhe i çregjistruan fëmijët nga shkollat. Apeli i atëhershëm i kryeminstrit Isa Mustafa ishte: „Kthehuni, para se të eskalojë situata“.
Si duket, reklama e shtetit austriak kishte pasur ndikim: 32.200 persona u kthyen sërish në Kosovë, thuhet në disa kumtesa zyrtare, shkruan „Krone Zeitung“, transmeton „Shtegu.com“.
Nga Austria u kthyen saktë 1.965 persona, të cilët nga fillimi i vitit 2015 u kthyen vullnetarisht në Kosovë, ndërsa 594 të tjerë u dëbuan.
Që nga fillimi i valës së refugjatëve nga Ballkani, kosovarët kanë parashtruar 2.736 kërkesa për azil, por të gjitha pa sukses.