17:49:58 2016-01-16
30 vjeçares shqiptare nga Shkupi i rrezikohet t`i pritet këmba e majtë, Fondi shëndetësor nuk lejon shërimin!?
Një rast tronditës i 30 vjeçares shqiptare nga Shkupi, ka kërkuar ndihmë në Agjencinë e lajmeve Zhurnal. Bëhet fjalë për vajzën me iniciale L.B (30 vjeçare), e cila po vuan nga një infekcion i rëndë në këmbën e majtë, që mund të shkaktojë vdekjen e vajzës shqiptare.
Mjekët në Spitalin shtetëror në Shkup e kanë njoftuar pacienten L.B se duhet urgjentisht të operohet në një Spital në Vienë të Austrisë. Mjekët e Shkupit i kanë dhënë dokument pacientes që ajo të shkojë në Fondin e shëndetësisë dhe të shërohet jashtë vendit.
Mjekët e Shkupit janë të bindur se nëse vajza nuk operohet në Austri, atëherë asaj duhet t`i bëhet prerja e këmbës, pasi ekziston rreziku që sëmundja të shpërndahet në tërë trupin dhe të shkaktojë vdekjen e vajzës. Kështu ka bërë të ditur për Agjencinë e lajmeve Zhurnal, babai i vajzës R.B nga Shkupi, i cili me lot në sy dhe pikëllim të thellë tregon storien rrënqethëse se plotë dy vjet po mundohet ta shpëtojë vajzën e tij nga prerja e këmbës, por Fondi për shëndetësi vazhdimisht e refuzon.
Zhurnal në ditët në vazhdim me dëshmi tronditëse dhe faktografi, do ta përshkruajë golgotën e vajzës shqiptare e cila është tallur nga institucionet shtetërore, të cilët drejtohen edhe nga shqiptarë. Vajza e re shqiptare rrënkon çdo ditë, mezi qëndron në këmbë nga dhimbjet, me fjalën e parë ajo kërkon ndihmë nga zoti, mirëpo menjëherë i lidhet një nyje në fyt dhe më këtu përfundon rrëfimi i saj.
Dëshmit të cilët i posedon Agjencia e lajmeve Zhurnal, të colat do t`i prezantojë ditëve të ardhshme, tregon mënyrën se si në Maqedoni bëhet krim ndaj njerëzimit, përbuzet një vajzë e re shqiptare, madje lihet pa kujdes mjekësor, e cila rrezikon të humbë këmbën dhe të mbetet invalid përjetë. Deri më tani, Fondi për shëndetësi nuk i ka dalur në ndihmë vajzës.
Zhurnal në formën më të fuqishme do të prezantojë faktografinë dhe vuajtjet e vajzës së re shqiptare.
Zhurnal informon lexuesit se për rastin tronditës në fjalë do ta përcjellë deri në momentin e fundit kur pritet të realizohet operimi në Austri.
Zhurnal do të realizojë edhe një fushatë mbarëkombëtare për të mbledhur donacione të cilët ndihmonin operimin e kësaj vajze. Mirëpo, Fondi i shëndetësisë për pacientët të cilët shërohen jashtë Maqedonisë, ka një buxhet prej miliona eurove, mirëpo ky fond deri më tani nuk ka siguruar buxhet për vajzën në fjalë. (Zhurnal.mk)
