Ushtroi 16 vite për të fituar një million euro në kuizin e famshëm

16:00:54          2019-09-03

Në shfaqjen e përvjetorit të „Kush do të bëhet milioner?“, Jan Stroh u përkujdes të fitojë një million euro. Njohuritë e tij nuk ishin të rastësishme – me profesion avokat, ai është një tifoz i flaktë i këtij kuizi.

Si kandidati i njëmbëdhjetë në historinë 20-vjeçare të „Kush do të bëhet milioner?“, Jan Stroh bëri një punë të duhur në shfaqjen e përvjetorit, mbrëmjen e së hënës. Më saktësisht: Ai fitoi një milion euro, shkruajnë mediat e huaja, përcjell Shtegu.com. Deri në fund të pyetjeve, 35-vjeçari dha përgjigjen e duhur edhe falë praktikës së viteve.

Sipas Bild.de, avokati ka rikrijuar një studio të veten të detajuar „Kush do të bëhet milioner?“, në bodrumin e tij privat dhe me vite të tëra e ka ushtruar emisionin. Deri më tani, ai gjithashtu nuk e ka humbur as edhe „një episod të vetëm“, ​​siç thotë vetë Stroh.

„Për gati 16 vite, unë kam luajtur shfaqjen me të gjitha efektet e tingullit në kuiz, në bodrumin tim“, tha Stroh për gazetën gjermane, informon Shtegu.com. Sidoqoftë, eksitimi kishte qenë tepër i madh kur ai në fakt qëndroi ulur përballë moderatorit të njohur gjerman, Günther Jauch (63).

Një pjesë të parave të fituara, Stroh do t`i dhurojë për ndihma humanitare. „Ekzistojnë shumë qëllime të mira që kanë nevojë për mbështetje“. Përveç kësaj, „netët e mia të kuizit do të marrin një ose azhurnim tjetër modest“. Por si blerje të parë, ai do të marrë një kostum të ri.