Në tre javët e para të këtij muaji në rivierën e Ulqinit pushojnë 5.640 mysafirë nga Gjermania që është 2,5 herë më shumë se në të njëjtën periudhë vitin e kaluar, tregojnë të dhënat e Organizatës Turistike.
Në numrin e përgjithshëm të mysafirëve Gjermanët mbulojnë nëntë përqind, njëjtë si turistët nga Bosnja dhe Hercegovina, gjersa numri i turistëve të evidentuar nga Serbia është më i lartë për tre për qind.
Numri më i madh i turistëve, rreth 37 për qind, në këtë periudhë ishin nga Kosova, gjersa vitin e kaluar përqindja e tyre ishte vetëm 15 për qind, që është, para së gjithash, rezultat i aksionit më efikas të lajmërimit të mysafirëve.