Kiracovski nga LSDM hap front të ri me biznesmenin Azmanov

Aleksandar Kiracovski hap front të ri me biznesmenin Zoran Azmanov, njëri ndër investitorët më të mëdhenj të Maqedonisë.

Pas një deklarate nga biznesmeni Azmanov në një intervistë për ‘Infomax’, gjoja se ky i fundit ka qenë i shantazhuar nëpërmjet lajmeve të porositura në njërin nga portalet maqedonase, Kiracovski ka mohuar që ka qenë i përfshirë në shantazh.

Menjëherë pas publikimit të lajmit Kiracovski ka reagur në rrjetin social fejsbuk, ku ka paralajmëruar padi penale para se i njëjti të arrijë të kërkojë falje.

Azmanov për ‘Infomax’ kishte deklaruar se pas rrjedhjes së lajmeve në portalin maqedonas ‘Dokaz’, ai menjëherë ka kontaktuar kryeredaktorin e këtij portali dhe e ka lutur që të njëjtët të largohen pasi janë akuza pa bazë, por i njëjti ka refuzuar siç thekson ai, lajmet nuk ka guxuar ti heq pa lejen e Kiracovskit.