Tronditet Franca: Vret bashkëshorten e tij me një çekiç dhe varet në litar

10:47:46                2019-07-16

Një shqiptar 43-vjeçar ka vrarë bashkëshorten e tij me një çekiç para se të kryente vetëvrasje në një shtëpi në Vaulx-en-Velin, në periferi të Lyonit, natën e 26-27 qershorit, është bërë e ditur të premten e kaluar nga prokuroria franceze.

Zbulimi makabër ndodhi në mëngjes, pas alarmit të një gruaje që kishte parë bashkëshortin e varur në një pemë në kopshtin e shtëpisë së familjes. Me origjinë shqiptare dhe pa asnjë precedent të dhunës, shqiptari, ende i gjallë dhe i shtruar në spital, vdiq nga pasojat e plagëve të tij të shtunën e javës së kaluar, deklaroi zëvendësprokurori i Republikës së Lionit, Audrey Quey, duke konfirmuar një informatë për „Progres“, informon Shtegu.com.

Sipas hetimeve fillestare, viktima, 29-vjeçare dhe gjithashtu e nacionalitetit shqiptar, ishte shtrirë në kuzhinë, ndërsa ishte goditur në kafkë me çekan. Arma u gjet pranë trupit të saj. Të pranishme në shtëpi në kohën e tragjedisë, kanë qenë dy vajzat e çiftit, të moshës 4 dhe 10-vje$are, të cilat u shtruan në gjithashtu në spital për një rehabilitim, para se të zhvendoseshin gjetiu. Sipas të njëjtit burim, arsyeja për krimin dhe rrjedha e saktë e ngjarjeve mbetet e paqartë.

Franca është tronditur nga ky krim, njëqind e tridhjetë gra vdiqën në vitin 2017 nën dhunën e ushtruar nga bashkëshorti, ish-bashkëshorti apo i dashuri i tyre, kundrejt 123 në vitin 2016, sipas të dhënave të Ministrisë së Brendshme. Në të njëjtin vit, 21 burra janë vrarë nga partnerja apo ish-partnerja e tyre. Në këto shifra, duhet shtuar edhe 25 fëmijë të vrarë në kontekstin e dhunës në familje dhe 151 tentim vrasjesh brenda çiftit.