Një mosmarrëveshje që u shkaktua të të hënën në mes dy shtetasve të Maqedonisë së Veriut doli jashtë kontrollit në ëiener Strasse të Linzit në Austri
Gjatë festës publike u shkaktua bjë grindje mes dy shtetasve të Maqedonisë së Veriut, kur njëri nga ta (29) e bëri për spital bashkatdhetarin e tij 53-vjeçar: dy burrat u përleshën në një lokal në ëiener Strasse në Linz rreth orës 14:45. Sfondi i sherrit, të martën ishte ende objekt hetimi, transmeton portali Shtegu.
Mosmarrëveshja u përshkallëzua deri në atë pikë sa i riu goditi kundërshtarin e tij të paktën një herë pas shpine me një palë gërshërë.
53-vjeçari u trajtua në vend nga ekipet e shpëtimit dhe u dërgua në spital. Gjendja e tij të martën u përshkrua si e qëndrueshme dhe tashmë ishte e mundur të intervistohej, tha policia në përgjigje të kërkesës së gazetës „OÖN“.
Autori u arrestua pas një arratisjeje të shkurtër dhe u dërgua në qendrën e paraburgimit të policisë së Linzit. Ai ka deklaruar se 53-vjeçari ka dashur ta sulmojë me thikë, për këtë arsye ka kapur gërshërët dhe e ka goditur me to. Arma e krimit është sekuestruar dhe policia po vijon hetimet. Zyra e prokurorit publik urdhëroi një kallëzim të përgjithshëm, tha policia të martën pasdite.
