Thaçin e lirova unë

Ish-shefi i SHISH- Fatos Klosi ka deklaruar se Hashim Thaçi është arrestuar në Shqipëri në vitin 1997. Por, Xhavit Haliti, deputet nga radhët e Partisë Demokratike të Kosovës, thotë për “Zërin” se Thaçi u ndalua në vitin 1997 nga policia shqiptare dhe që nuk ka qenë i arrestuar. Sipas Halitit, ndalimi i Thaçit nuk kishte qëllime për të goditur Ushtrinë Çlirimtare të Kosovës (UÇK). Ndër të tjera Haliti thotë se për lirimin e tij ka ndërhyrë vetë ai.

“Kjo punë dihet botërisht, Hashim Thaçi ka qenë i ndaluar në vitin 1997. Në atë kohë kanë qenë turbullirat e famshme, si dalja e armëve. Thaçi është ndaluar nga policia shqiptare dhe jo arrestuar, arsyeja e ndalimit ka qenë bartja e armëve, dhe për këtë ndalim kam intervenuar unë për t’u liruar Thaçi. Nuk mendoj se ka qenë ndonjë qëllim që të goditet UÇK-ja sepse ne kemi pasur segmentet e shtetit por secila polici e shtetit kur ndalon persona me armë e shoqëron në polici”, thotë Haliti. Shekulli.al