11:22:08 2019-05-27
Asman M. (44) e humbi fëmijën e tij të vetëm. Zenelin katërvjeçar i cili u mbyt duke luajtur në Aabach në Möriken-Wildegg AG. Tani babai kërkon që të vendoset një gardh midis bllokut të banesave dhe lumit.
Asman M. (44) nuk gjen fjalë. Dhimbja për humbjen e djalit të tij të dashur Zenelit katërvjeçar, është e thellë. „Po ndjehem shumë keq“, ka deklaruar të dielën për „Blick“ babai. Ai ndjehet më i lehtësuar për shumë të afërm dhe shokë që kanë ardhur tek ai dhe bashkëshortja e tij Burbuqe (42) në Niederlenz AG, për t`i dhënë ngushëllime.
Burbuqe M. është në gjendje edhe më të keqe se bashkëshorti i saj. Ajo është nën përkujdesje të të afërnve. Të enjten e kaluar, ajo e përjetoi zhdukjen e papritur misterioze e djalit të saj duke luajtur në shesh lojërash në ish vendin e banimit në Möriken-Wildegg rreth orës 16:30, me ç`rast pësoi tronditje.
Nëna e Zenelit e kishte lajëmruar policinë, shkruan „Blick“, përcjell Shtegu.com. Pas kësaj kishte filluar një operacion i madh kërkimi që zgjati deri natën vonë. Atëbotë, babai kishte deklaruar: „Jemi të shkatërruar“, duke shpresuar se fëmija do të gjendej gjallë.
Por, më kot. Pasditen e së premtes, nga punëtorët e hidrocentralit në Villnachern AG, Zeneli u gjend i vdekur në ujërat e lumit Aare.
Policia shpejt konstatoi se Zeneli kishte rënë në Aabach duke luajtur dhe si rezultat i kësaj, ishte mbytur. Për shkak të shiut të dendur në ditët e fundit, lumi ka pasur shumë ujë dhe një rrymë të fortë.
Vallë, a e ka parkuar katërvjeçari biçikletën e tij për të parë rrjedhën e lumit?!
Një gjë është e sigurt: Para bllokut të banesave pranë Aabach, majtas dhe djathtas janë të vendosur gardhe. Por në mes nuk ka asgjë, qasja në përrua është e hapur deri në 50 metra.
Sipas Tele M1, banorët kishin kërkuar disa herë një gardh mbrojtës tek përgjegjësit e banimit, por pa asnjë dobi, përcjell Shtegu.com. Tani po përgatitet një fushatë për grumbullimin e nënshkrimeve.
Babai i Zenelit, i cili e humbi fëmijën e tij të vetëm atje, idejën për vendosjen e një gardhi gjithashtu e sheh të arsyeshme. „Kjo do të ishte mirë. E përkrahi domosdoshmërisht“, tha Asman M. Në Aabach gjithmonë ka shumë fëmijë dhe ky vend është shumë i rrezikshëm: „Në Aabach nuk duhet të vdes më asnjë fëmijë“.
Prindërit nuk e kanë varrosur ende fëmijën, pasi ata duhet të presin në marrjen e kufomës. „Zeneli është ende në mjekësinë ligjore“, thotë babai i tij. Ende po zhvillohen hetime. Ai dhe bashkëshortja e tij shpresojnë se ato të përfundojnë të hënën. Asman M .: „Atëherë, të martën mund ta varrosim Zenelin tonë në atdheun tonë të Kosovës“.