SKANDALOZE: Air Serbia i dëbon nga avioni sportistët e rinj zviceranë

20:35:24                2019-03-22

Ekipi sportiiv i juniorëve nga Glattbruggu i Zvicrës, ka dashur të fluturojë në një garë në Beograd. Por, kompania Air Serbia e nxori jashtë avionit në minutën e fundit. Arsyeja: Shumë pak personel.

Për muaj të tërë, atletët e rinj të gjimnastikës ritmike nga Glattbruggu ishin përgatitur për këtë ditë, shkruan „Blick“, përcjell Shtegu.com. Të shtunën në Beograd (Serbi), do të zhvillohet kampionati ndërkombëtar në kategorinë e fëmijëve. Por, tani grupi ka mbetur i ngujuar në Aeroportin e Cyrihut, për shkak se linja ajrore përgjegjëse ka dështuar!

Në orën nëntë, avioni i kompanisë Air Serbia është dashur të fluturojë. Zviceranja Carmen S. (50) është ulur në bord, vajza e saj (11) është njëra nga 33 fëmijët që do të garojnë. „Ne u lidhëm me rripa, por avioni nuk u nis“, thotë ajo.

Lajm i keq vijoi gjysmë ore. „Një anëtar i ekuipazhit na kërkoi që të dilnim nga aeroplani menjëherë me dymbëdhjetë fëmijët“, pohon 50-vjeçarja.
Me sa duket, ka pasur shumë pak personel të fluturimit në bord për t’u kujdesur për fëmijët. Carmen S. është e zemëruar: „Ata thanë se nuk mund të nisen për këtë arsye. Por, ky nuk është problemi ynë“.

Grupi, biletën e fluturimit e kishte rezervuar që në janar të vitit 2019. „Air Serbia ka pasur mjaft kohë për t’u organizuar në përputhje me rrethanat“, thotë ajo. Megjithatë, bordi i avionit ishte këmbëngulës. „Ata na kërcënuan edhe me policinë“, vazhdon më tej Carmen S., informon Shtegu.com.

Trajnerët dhe prindërit nuk kishin tjetër zgjidhje. Me dymbëdhjetë fëmijët, ata më në fund e lënë avionin. Carmen S. thotë: „Ky ishte një tmerr. Fëmijët filluan të qajnë, ata janë zhgënjyer pa masë“.

Tani grupi duhet të qëndrojë në aeroport. Pasdite, në sallën e Beogradit u zhvillua trajnimi i fundit. Dymbëdhjetë atletë të rinj tani duhet të konkurrojnë pa provën kryesore.

Nëse edhe e bëjnë atë në Beograd. „Air Serbia refuzon të na transferojë tek kompania Sëiss. Ata nuk kanë marrëveshje korresponduese të biletave“.
Në vend të kësaj, ajo ka dashur t`i dërgojë në Beograd me linjën ajrore të orës 15.00. Mbetet e paqartë nëse është mobilizuar personel i mjafzueshëm deri atëherë. Air Serbia ende nuk ka komentuar rastin në fjalë. Carmen S.: „Shpresojmë se do të kemi më shumë fat në konkurrim“.