Nxënësve të klasës së dytë të shkollës fillore u mësohet se si të gjejnë ‘zgjidhje’ kur nuk duan të shkojnë në shkollë.

Në Leximin e Klasës së Dytë, tregohet një bisedë lidhur me “magjinë e shkumësit”. Aty shpjegohet se si shkumësi që përdoret për të shkruar në tabelën e zezë mund të përdoret edhe si truk për të mos shkuar në shkollë duke e shkrirë dhe e pirë me ujë.

Ja si u mësohet fëmijëve 7-8 vjeç të klasës së dytë, që të tresin shkumësin në ujë. Po, po! Treteni shkumësin në ujë, pijeni dhe do ju rritet temperatura! Biseda po vërtitej rreth shkumësit; tabela e zezë, pa një shkumës, nuk asnjë kuptim. Që të gjithë nxënësit tundnin kokën për ta miratuar këtë mendim. Është një e vërtetë, që, si i thonë fjalës, nuk e luan as topi. Por Tomori u tha shokëve të klasës së 4b:

shkumesi magjik-Mos harroni se shkumësi të ndihmon dhe për t’u “sëmurë”, sa herë që dëshiron!

Disa nuk e kuptuan mirë shprehjen e çuditshme dhe i kërkuan hollësira.

-Është shumë e thjeshtë, -filloi t’i sqarojë Tomori, -ja, unë për shembull, kur nuk dua të shkoj në shkollë, tres një copë shkumës në një gotë me ujë, e pi dhe më ngrihet temperatura menjëherë.

Nëna, porsa ma vë dorën në ballë, më thotë e merakosur;

-Shpirti im, xhani i mamit, paske të nxehtë, sot nuk do të shkosh në shkollë!

Unë bëj ca naze.

-Jo, moj mami, nuk e lë shkollën, do të vetë dhe i sëmurë!

Por nëna ma mbyll derën me çelës dhe nuk më lejon të dal nga shtëpia! Kush nuk më beson, le të pijë ujin me shkumësin e tretur dhe do të shikojë se sa shpejt do t’i ngrihet temperatura. (LAJM)