Ishte ditë e hënë, 13 shtator 2009. Gjysmëfinalja e US Open. Roger Federer ishte duke udhëhequr me rezultat 2:0 në sete, kundër serbit Novak Xhokoviç dhe gjatë një rezultati prej 6:5 në geme, ndërsa servonte serbi Xhokoviç, zvicerani la gojëhapur gjithë sportdashësit në botë. Ajo që pa bota asaj mbrëmjeje, do të shënohet me shkronja të arta në analet e sportit më të shtrenjtë në botë.
Xhokoviçi u mundua ta lobojë Federerin, i cili vrapoi si vetëtimë dhe arriti që përmes këmbëve të tij ta kthejë topin në pjesën e fushës e cila i takonte serbit, duke e fituar me meritë këtë pikë. Ishte ky gjesti më i mirë i karrierës së tij, të cilin e realizoi mu kundër serbit Xhokoviç.