18:31:38 2016-10-02
Pas një sëmundje të rëndë, në Detroit të SHBA-ve ka ndërruar jetë në moshën 83-vjeçare, Nikollë Musolli, veteran i arsimit dhe njëri ndër mësuesit e parë të rrethinës së Istogut. Nikolla ka lindur më 10 gusht 1933 në Gurrakoc të Istogut. Shkollën fillore dhe gjimnazin e ulët i kreu në vendlindje, ndërsa Normalen në Prishtinë, ku më vonë përfundoi edhe Akademinë Pedagogjike. Profesionin e tij si arsimtar e filloi në 1 shtator 1951 në fshatin Zallq, në Shkollën fillore me emrin „Radosh Toshiç“ ku mësimi mbahej me paralele të kombinuara. Por, me angazhimin e pashoq të Nikollës, shkolla e Zallqit arriti të shndërrohet në shkollë tetëvjeçare, ndërsa në vitet 1969/70, shkolla pavarësohet dhe pagëzohet me emrin „Avni Rrustemi“. Nga gjeneratat e arsimtarit Musolli kanë dalë mësues, mjekë, profesorë e historianë të suksesshëm.
Përndryshe, Nikollë Musolli i ndjerë është babai i ish gazetarit të njohur të RTK-së, Petrit Musolli.