Shteti i kthen biznesit 14.5 miliardë denarë nga TVSH-ja

Gjatë shtatë muajve të parë të vitit shteti u ka kthyer kompanive mbi 14,5 miliardë denarë nga rimbursimi i TVSH-së.

Zv/ministrja e Financave Shiret Elezi deklaroi se në ekonominë janë kthyer 1,8 miliard denarë më shumë në krahasim me vitin paraprak.
“Gjatë kësaj periudhe te firmat kemi kthyer mbi 14,5 miliard denarë, që në krahasim me vitin paraprak është 1,8 miliardë denarë më shumë ose 30 milionë euro më shumë kemi kthyer te sektori i biznesit në krahasim me vitin paraprak”, tha Elezi.

Sipas saj, kjo është edhe një argument se kemi rritje të të ardhurave tatimore, se likuiditeti i buxhetit është në rendin më të mirë dhe me atë në kohë servisohen të gjitha obligimet e Buxhetit të anës së shpenzimeve dhe ndaj sektorit të biznesit. Vitin e kaluar janë kthyer 12,5 miliardë denarë. /SHENJA/