Policia federale gjermane, të martën ka konfiskuar njëqind mijë euro gjatë një kontrolli në vendkalimin kufitar Füssen-Ziegelëies. Zyrtarët i gjetën paratë te një shofer turk, i cili dëshironte të ndihmonte për të hyrë në Gjermani pa leje, bashkudhëtarin e tij shqiptar. Ky i fundit tashmë është në paraburgim.
Policët federalë nga Kempteni kontrolluan dy udhëtarët e një makine të regjistruar në Gjermani. Shoferi 54-vjeçar turk ishte në gjendje të identifikohej me të gjitha dokumentet e nevojshme të udhëtimit. Nga ana tjetër, bashkudhëtari i tij 21-vjeçar shqiptar, e kishte me vete vetëm dokumentin e identifikimit me vete, i cili megjithatë nuk ishte i mjaftueshëm për hyrje në Gjermani, shkruajnë mediat gjermane, përcjell Shtegu.com. Në përputhje me rrethanat, të dy personat u dyshuan për tentativë hyrjeje ose ndihmë për tentativë hyrjeje të paautorizuar.
Kur më vonë u kontrollua shtetasi turk, në xhepin e palltos policia federale i gjeti 2,000 euro dhe 98,000 euro në valixhen e tij. Pas konsultimit me Prokurorinë Publike Kempten, zyrtarët ia konfiskuan të gjitha paratë pasi ai nuk i kishte deklaruar për kalimin e kufirit. Pas përfundimit të masave të policisë, policia e liroi të dyshuarin që jetonte në Hamburg. Shtetasi turk tani do të përballet me një tjetër procedurë gjyqësore për pastrim parash.
Gjatë marrjes në pyetje, shqiptari pranoi se për dy vjet jetonte pa leje qëndrimi të vlefshme dhe punonte në Hamburg. Që në vitin 2017, ai ishte denoncuar dhe dëbuar për shkak të qëndrimit të paligjshëm.