Gjatë një kontrolli doganor në Engadinë, një shtetasi maqedonas (56) së fundmi i janë zbuluar mbi njëqind kuti cigare
Në kuadër të kontrollit doganor, një patrullë e lëvizshme e BAZG-së ka ndaluar më 30 janar 2025 veturën me targa italiane të drejtuar nga një shtetas 56-vjeçar maqedonas. “Për shkak se në bagazh kishte një sasi të madhe cigaresh të papaguara në dy qese plastike të zeza, automjeti i është nënshtruar një kontrolli të plotë në lokacionin BAZG në Samedan”, shkruante të premten Zyra Federale për Dogana dhe Siguri Kufitare (BAZG) në një komunikatë.
Specialistët e thirrur gjetën gjithsej 105 kuti cigaresh, që korrespondon me 21 mijë gjithsej. Importi pa doganë do të lejohej për 250 copë për person 17 vjeç e lart në ditë. Me TVSH-në, shtetassi maqedonasi i kishte shmangur taksat prej 5500 frangash zvicerane, transmeton portali Shtegu. Për shkak se ai nuk ka paguar taksat, 20 750 cigare janë konfiskuar për asgjësim. Burri u lejua të mbante një kuti plus 50 cigare. Ndaj 56-vjeçarit ka nisur procedimi penal.
Gjatë fundjavës, doganierët në Gjermani bënë një zbulim edhe më të madh të cigareve kontrabandë. Në A6 pranë Sankt Leon-Rot (D) ata kontrolluan një kamion që në fakt duhej të transportonte ushqim. Me ndihmën e një aparati të lëvizshëm me rreze X, ata zbuluan kontrabandën: u konfiskuan 185.000 cigare.
Ndaj shoferit 55-vjeçar ka nisur procedimi penal. Zyra kryesore doganore e Karlsruhes vlerëson humbjen e taksave në rreth 36 000 euro.
