LAJME

Shtetasi maqedonas me tre fëmijë mbi 230 km/h

29 Lexime

16:42:54        2015-12-27

 

Një shtetas 32-vjeçar maqedonas, gjatë të shtunës, ka drejtuar veturën e tij me një shpejtësi marramendëse prej 230 km/h, në autostradën A7, drejtimi për Cyrih, duke u regjistruar nga një radar mobil. Në veturë kanë qenë të ulur tre fëmijët e tij, njëri ndër të cilët pa rrip të sigurisë.
Pas tërheqjes së shpejtësisë së toleruar, është vërtetuar se ai ka tejkaluar shpejtësinë për 104 kilometra më shumë, ka komunikuar të dielën policia kantonale e Thurgaut, njofton „Shtegu.com“.

 
Gjatë kontrollit, policia ka vërtetuar se në veturë kanë qenë të ulur tre fëmijët e tij të moshës tetë-, katër-, dhe një vit e gjysmë, të cilët nuk kanë qenë të ulur në vendin përkatës për fëmijë, ndërsa njërit prej tyre bile edhe nuk ka qenë i lidhur me rrip të sigurisë.
Atij në vendngjarje i është konfiskuar patentë shoferi, bile ka mbetur edhe pa veturën e tij.