16:30:19 2018-01-04
Një mjeke 54-vjeçare austriake, e martuar zyrtarisht por duke jetuar e ndarë për momentin, është dashuruar në një maqedonas 25-vjeçar. Ajo e ka pranuar ate në shtëpinë e saj në Niederösterreich, ku ai është përkujdesur për kopshtin dhe qentë e saj.
Ndoshta mjekja austriake do t`ia falte të gjitha borxhet që ia kishte shkaktuar nga zhdukja e të hollave nga portofoli i saj, por ajo u revoltua kur zbuloi maqedonasin se si po argëtohej me një kamariere 18-vjeçare në kampshtëpizën e saj. Me këtë rast, ajo ka ngritur kallëzim penal për plaçkitje ndaj shtetasit maqedonas, shkruan „Heute“, përcjellë Shtegu.com. Për incidentin ka mësuar kur fqinji i saj ka vërejtur drita në kampshtpizë dhe menjëherë e ka alarmuar policinë.
Gjykatësi austriak Manfred Hohenecker
Mjekja në Gjykatë ka mohuar të ketë pasur marrëdhënie intime me shtetasin maqedonas, por ai e ka pohuar të kundërtën. Gjykata austriake e kryesuar nga Manfred Hohenecker, i ka besuar shtetasit maqedonas dhe e ka liruar nga akuza, ndërsa mjekja austriake nuk u ka besuar veshëve të saj. (Shtegu.com)