Shtetasi bullgar vret mizorisht zviceranen në Portugali

Zviceranja Isabella A. (62), e cila jeton në Portugali, u vra nga partneri i saj (33).Motivi mbetet i paqartë. Familja e saj është e pikëlluar.

E vrarë, e gjymtuar, e djegur: Policia portugeze ka gjetiur trupin e pajetë të zviceranes Isabella A. në shtëpinë e saj, më 20 prill. 62-vjeçarja nga Sementina në Zvicër, jetonte prej vitesh në fshatin Idanha-a-Nova në lindje të vendit. Trupi i saj ka qëndruar atje për katër ditë me radhë.

Çfarë ndodhi në të vërtetë? Autoritetet portugeze kanë arrestuar partnerin e gruas, raporton portali „Tio.ch“, informon Shtegu.com. 33-vjeçari Cvet P. e ka pranuar krimin. Me origjinë bullgare, ai është i pastrehë dhe i papunë dhe shpesh ka gjetur strehë te zviceranja. Më parë, policia shpeshë kishte intervenuar për shkak të dhunës në familje, raportojnë media lokale.
Bullgari 33-vjeçar vrau gruan në një ndërtesë aneksi dhe më pas ia vuri zjarrin, tha policia. Kur fqinjët e shqetësuar e pyetën për 62-vjeçaren, partneri u përgjigj se „kishte shkuar për t`i vizituar vajzat e saj në Zvicër“. Mirëpo, banorët nuk i besuan dhe e alarmuan policinë. Tani duhet të sqarohen rrethanat e tjera.

Familja A. në Zvicër është shkatërruar për shkak të vrasjes. Vajza e Isabellës asaj i ka dhënë lamtumirën në një postim në Facebook: „Tetë ditë më parë, zemra ime u ndal për një moment, sepse një pjesë e imja u largua përgjithmonë“, shkruan ajo. Ajo i kujton të gjitha momentet e mrekullueshme me nënën e saj. A. jetoi shumë afër natyrës në Portugali, siç tregojnë fotot në profilin e saj në Facebook.

Ajo më tej përshkruan ndjenjat e saj kontradiktore ndaj kryesit të veprës penale: «Unë kam një urrejtje të papërshkrueshme dhe kaq të thellë për këtë qenie. Një ndjenjë që nuk e kam ndjerë kurrë më parë, sepse nëna ime më mësoi fuqinë e faljes dhe dashurisë». Por: Nuk mund ta falë kurrë. „Dhe kjo ndjenjë e errët më tremb“, ka përfunduar ajo.