Më 27 prill të këtij viti, për herë të parë doli në dritë shkrimi te portali i diasporës „Shtegu.com„, i cili sot feston gjashtëvjetorin e themelimit, duke u bërë pjesë e informacionit e diasporës shqiptare për vendlindjen. Me siguri se rruga për të arritur këtë përvjetor nuk ka qenë e shtruar me trëndafila, por motivi për t`i informuar shqiptarët nëpër trojet e tyre rreth ndodhive dhe sukseseve të bashkatdhetarëve tanë, ishte shumë më i fortë se gjembat e ashpër të ketij shtegu të gjatë.
Në mungesë të interesit nga ana e autoriteteve përkatëse për të nxitur edhe më tej informimin sa më objektiv nga ngjarjet në diasporë, në mungesë të mjeteve të mëtutjeshme financiare të shkaktuar nga kriza e koronavirusit, portali është duke planifikuar ndërprerjen e shpejtë të punës së tij. Redaksia i falënderon të gjithë lexuesit e rregullt të portalit, bashkëpunëtorët dhe miqtë e tij.