Të shtëna vdekjeprurëse në semaforin e kuq. Nga makina, menaxhuesi i kafenesë në ëuppertal Altin B. (34), qëlloi ndaj një ish shokutë të tij në makinën që po priste përskaj tij. Për këtë, të enjten ai u dënua me burgim të përjetshëm për vrasje.
Akuzat para Gjykatës së rrethit në ëuppertal fillimisht ishin për vrasje. Por në fund gjykatësi u bind: ishte një vrasje tinëzare.
Në dritën e kuqe, shqiptari kishte ndaluar makinën e tij përskaj asaj të viktimës dhe e qëlloi shtatë plumba. Shqiptari 36-vjeçar vdiq nëntë ditë më vonë, shkruan „Bild“, transmeton Shtegu.com.
I akuzuari pranoi të ashtuquajturën „Drive-by-Shooting“. Sidoqoftë, ai më parë kishte parë një armë në duart e kundërshtarit të tij dhe ishte kërcënuar prej tij.
Gjykatësi nuk e besoi versionin e vetëmbrojtjes. Akti u vëzhgua nga shumë dëshmitarë okularë. Ekzistojnë gjithashtu video regjistrime dhe dëshmi të tjera.
Ishte shumë me fat që asnjë kalimtar i pafajshëm nuk u godit nga plumbat. Kështu, në afërsi ishte edhe një nënë me fëmijën e saj.
Dëshmitarët më pas filmuan viktimën e mbuluar me gjak, të shtrirë në korsi në një zonë të ngjeshur në qendër të qytetit dhe regjistrimin e postuan në YouTube.
Përse ndodhi akti fatal, qoftë ai i trafikimit të drogës apo ndonjë tjetër vepër, mbeti i paqartë. „Kjo nuk do të lexohet në vendim pasi nuk mund të jemi të sigurt“, tha gjykatësi. I akuzuari dëshmoi se ai e njihte viktimën që nga Shqipëria. Ata ishin miq shumë të mirë, por më pas ata u grindën për para dhe borxhe.