Shqiptari therë me thikë një shtetas sirian në Gjermani

11:05:25             2019-08-03

Në qendër të qytetit të Öhringen të Gjermanisë, një shtetas 21-vjeçar sirian është qëlluar me thikë të enjten, nga një shqiptar 33-vjeçar. Edhe pse skena e krimit ishte vetëm 200 metra larg stacionit të policisë lokale, autori fillimisht arriti të shpëtojë.

Brendia e qytetit Öhringen është pjesërisht një zonë këmbësorësh, në të cilën sidomos gjatë drekës, njerëzve u pëlqen të shëtisin dhe kalojnë kohën e pushimit. Kështu ndodhi edhe të enjten rreth orës 13.00, shkruajnë mediat gjermane, informon Shtegu.com. Një djalosh i ri ishte ulur para një restoranti arab dhe po shijonte drekën e tij, kur papritmas një person i armatosur me thikë iu afrua nga pas dhe e goditi në trup disa herë. Në vendngjarje ishin disa dëshmitarë të cilët e alarmuan policinë dhe ndihmën e shpejtë.

Autori u arratis menjëherë, megjithëse stacioni më i afërt i policisë ishte vetëm 200 metra larg. Megjithatë, gjatë pasdites autori përfundimisht është arrestuar. Punëtorët e ekipi emergjent kanë arritur të përkujdesen për të plagosurin dhe ai është gjallë.
Sipas policisë, viktima është një shtetas 21-vjeçar sirian, ndërsa autori një shqiptar 33-vjeçar.