12:59:42 2017-06-05
Gjatë mbrëmjes të së enjtes, në Kassel të Gjermanisë, një shqiptar 20-vjeçar ka shkaktuar kaos të vërtetë. Reth orës 20.30, shqiptari i ri nga Niderzëehreni ka dashur të bëjë një foto sesion të rrezikshëm të trenave në binarët e stacionit hekurudhor, duke krijuar një rrëmujë të vërtetë në qarkullimin e trenave.
Pasi ai ishte vendosur nën një urë mbi binarë në rrugën Leuschnerstrasse, njësitet policore gjermane kanë reaguar menjëherë, duke e hequr ate nga zona e rrezikut dhe duke e këshilluar.
Sipas deklaratave të shqiptarit 20-vjeçar, ai ka dashur vetëm të bëjë foto me trenat, njoftojnë mediet gjermane, përcjellë „Shtegu.com„. Për shkak të arsyeve të sigurisë, për 15 minuta është ndërprerë relacioni i trenave që kanë qarkulluar për Kassel-Frankfurt/Main. Për shkak të këtij rasti, gjithsej 17 trena janë vonuar për rreth 20 minuta.
Policia federale e Kasselit ka filluar një procedurë kundërvajtëse kundër shqiptarit. Këshillë: „Qëndrimi në binarët e hekrudhave është i ndaluar për të papunësuarit. Rreziku që të goditesh nga treni dhe ta humbish jetën është tepër i madh“.