12:56:54 2017-06-05
Pas formimit të Qeverisë së Republikës së Maqedonisë me në krye Zoran Zaev për kryeministër të saj, në njërën prej seancave të radhës të kësaj të fundit, priten edhe emërtime të reja të drejtorëve nga partitë që janë në pushtet. Në mesin e atyre institucioneve që do të ndodhin ndryshime në postet e drejtorëve është edhe Agjencia për Rini dhe sport.
Burime jozyrtare të gazetës “Lajm” bëjnë të ditur se për pozitën e zëvendësdrejtorit të ARS-së si emër më serioz përflitet Avdyl Salihu, punonjës në sektorin për Sport në Qytetin e Shkupit.
Ai me profesion është profesor i edukatës fizike, trajner shumëvjeçar i mundjes dhe i reprezentacionit të Maqedonisë.
Salihu në të kaluarën ka punuar edhe si redaktor sporti në disa media në Maqedoni.