Shqiptari mohon ta ketë mbajtur fëmijën e vet mbi parmakët e ballkonit

18:13:16               2019-03-15

Në procesin gjyqësor të një drame dëbimi në Krefeld të Gjermanisë, i akuzuari mohoi se kishte mbajtur vajzën e tij të vogël mbi parmakët e një ballkoni. Për të parandaluar dëbimin e vetvetes dhe të familjes së tij, shqiptari nga Krefeldi dyshohet se është kërcënuar se do ta hedhë nga lartësia fëmijën e tij një vjeç e gjysmë, shkruajnë mediat gjermane, njofton Shtegu.com . Prandaj, shqiptari 30-vjeçar është akuzuar për veprën penale „marrje peng“, pranë Gjykatës rajonale të Krefeldit. Megjithatë, të mërkurën pala mbrojtëse nuk përjashtoi mundësinë se ai kishte bërtitur: „Largohuni, përndryshe unë do ta hedhë“.

Në orët e mëngjesit të 19 shtatorit të vitit të kaluar, nëpunësit policorë dhe punëtorët e Zyrës së imigracionit, ishin shfaqur para vendbanimit të tij, për ta dëbuar familjen shqiptare. Për të parandaluar kthimin e familjes, sipas aktakuzës shqiptari fillimisht e kishte kërcënuar një polic, me një thikë me teh 25 cm të gjatë.
Për të qetësuar situatën, zyrtarët ishin tërhequr. Megjithatë, 30-vjeçari akuzohet se e ka mbajtur vajzën e tij mbi një parmak të ballkonit në katin e tretë, për të detyruar policinë që të tërhiqej. Fëmija ka kaluar pa ndonjë pasojë.