Shqiptari i cili ushqen gjithë qytetin gjerman

10:35:45             2016-06-03

Ilir Seferi vazhdon me sukseset e tij të radhës. Gazeta e përditshme gjermane „Augsburger Allgemeine Zeitung“ njofton se Iliri ka marrë nën përkujdesjen e tij edhe hotelin Auer Hof, me të cilin do ta kultivojë edhe më tej kulturën gastronomike bavareze.

Me pesë lokalet e tyre, vëllezërit shqiptarë Seferi tashmë me vite janë të pranishëm në skenën hotelierike të Augsburgut. Me marrjen e këtij hoteli, Ilir 43-vjeçar dëshiron të kultivojë traditën dhe kulturën gastronomike bavareze. „E ndjej veten si ambasador i Augsburgut“, pohon Iliri i cili 23 vite më parë, me familjen e tij kishte ardhur nga Kosova në Gjermani.

Zyrtarisht, hapja e lokalit do të festohet të shtunën më 11 qershor, nga ora 18.00, me mish në hell dhe natyrisht, muzikë tradicionale. Iliri fletë pesë gjuhë të huaja dhe nuk është ndonjë sfidë e madhe këndimi i himnit të Bavarisë në këtë solemnitet.

Kohë ma parë, „Shtegu.com“ kishte shkruar për arritjet e tij në fushën e gastronomisë (http://shtegu.com/lajme/suksesi-i-vellezerve-seferi-nga-enelares-ne-gastronom-te-njohur/)