Natën e së mërkurës, dy turistë të dyshuar janë arrestuar nga policia zvicerane në Oberentfelden të Zvicrës. Një banor i lagjes i kishte vëzhguar të panjohurit se si kanë tentuar të hyjnë në klinikën e kafshëve.
Policia e alarmuar, rreth orës 02.00 menjëherë e kishte rrethuar klinikën në Muhenstrasse. Pas dhjetë minutash kërkim, ajo ka arritur të arrestojë një shqiptar 25-vjeçar në klinikë, ka komunikuar Policia kantonale e Aargaut, transmeton „Shtegu.com“.
Personi i dytë, një kosovar 31-vjeçar gjithashtu është arrestuar në afërsi të një fushe tenisi. Prokuroria ka hapur një hetim penal ndaj dy plaçkitësve të dyshuar, të cilët nuk kanë vendbanim të përhershëm në Zvicër.