17:50:09 2017-10-24
Edhe një yll kosovar në futboll i është shtuar Ligës së parë suedeze dhe kohëve të fundit portierët e kanë halë në sy djaloshin kosovar. Bëhet fjalë për Shkodran Mahollin i cili po luan me sukses të madh në ekipin suedez IK Sirius që garon në Ligën e parë suedeze dhe aktualisht gjendet nga mesi i tabelës.
Në ndeshjen e fundit si mysafir, IK Sirius siguroi një pikë të vlefshme ndaj ekipit IF Hammarby, ndeshje kjo që u mbyllë me rezultat të barabartë 3:3. Përkundër avansimit të mikpritësve me rezultat 2:0, në pjesën e parë Shkodrani shënoi gol duke zvogëluar avantazhin në 2:1. Ai shënoi edhe një gol tjetër për të udhëhequr me rezultat 2:3, por vendasit arritën ta barazojnë rezultatin dhe të kënaqen me një pikë.
Shkodran Maholli është me prejardhje nga Kosova dhe është i moshës 24-vjeçare, 1.87 cm i gjatë, luan në pozitën mesfushor-sulmues me këmbë të majtë. Me ekipin e IK Sirius ka kontratë të nënshkruar deri në fund të vitit 2020. (Shtegu.com)