SPORT

SEVILLA NDAL RONALDON ME SHOKË

39 Lexime
 Sevilla e ka ndalur Real Madridi, duke e mposhtur sonte para tifozëve te tyre, me rezultat 3-2, në javën e 11-të të La Ligës.

Sevilla është skuadër që di të befasojë edhe klubet e mëdha siç është Real Madridi.

Cristiano Ronaldo më shokë nuk ka mundur të bëjë më shumë në duel me Sevillan, kjo e fundit tri herë e dërgojë topin në rrjetën e madrilenëve, transmeton KosovaPress.

Ishte skuadra e Rafael Benitezit që e zhbllokoi rezultatin përmes Sergio Ramosit (22’), por nikoqirët u kthyen në lojë me golin e Ciro Immobile (36’), i cili barazoi shifrat në 1-1, rezultat më të cilin skuadrat shkuan në pushim.

Në pjesën e dytë, skuadra vendëse ia doli të shënojë edhe dy herë. Fillimisht Ever Banega (61’), kaloi Sevillan në epërsi prej 2-1, ndërsa, Fernando Llorente (74’) ia dha goditjen e fundit Real Madridit, duke shënuar golin e tretë për Sevillan, derisa golin e dytë për skuadrën ‘merenguese’ e realizoi James Rodriguez (90’).

Real Madrid është në pozitën e dytë më 24 pikë, tri më pak se Barcelona, kurse, Sevilla renditet e 10-të më 15 pikë të tubuara. RTKlive