Të hënën pasdite ka ndodhur një aksident në zonën kantierit të autostradës BAB 1 pranë Scharbeutz në Gjermani. Sipas hetimeve fillestare, vozitësi i një kamioni, me sa duket si rezultat i lodhjes, doli nga korsia djathtas u përplas në një hendek. Për fat të mirë askush nuk është lënduar.
Në trafikun e frekuentuar të mbrëmjes, vozitësi 49-vjeçar maqedonas po qarkullonte në autostradën gjermane 1 në drejtim të Hamburgut. Sipas hetimeve fillestare, shoferi kishte një të ashtuquajtur „një sy gjumë“ pak pas orës 16.00 në zonën e kantierit me një korsi pranë Scharbeutz, informon portali Shtegu. Si rezultat, ai e mënjanoi kamionin në të djathtë dhe doli nga rruga. Pas rreth 50 metrash kamioni u ndal në zonën e brezit të gjelbër.
Për fat të mirë, vozitësi kaloi pa lëndime, ndërsa kamioni është zhvedosur nga vendi i ngjarjes.
Ndaj vozitësit ka filluar hetimi nën dyshimin për rrezikim të trafikut rrugor. Atij i është konfiskuar patentë shoferi.