13:20:09 2016-03-13
Në kuadër të një operacioni antiterrorist kundër shtetit islamik, në Romë të Italisë janë lëshuar fletarreste kundër tre personave. Ata dyshohen si të involvuar në rrjetet terroriste. Një urdhërarrest është drejtuar kundër një shtetasi tashmë të arrestuar 26-vjeçar maqedonas, si dhe ndaj një luftëtari 29-vjeçar tunezien të ISIS-it, i cili për momentin gjendet në Irak.
Shtetasi maqedonas, i cili ishte arratisur nga burgu në vendlindjen e tij, është arrestuar gjatë të shtunës në Romë, bëjnë të ditura mediet italiane, njofton „Shtegu.com“.
Të mërkurën, gjithashtu është arrestuar edhe një imam nga Somalia, në qytetin e Italisë Jugore Campobasso, për shkak të involvimit në terrorizëm ndërkombëtar. Vitin e kaluar, ai kishte ardhur nga Austria në Itali.