Roamingu në Maqedoninë e Veriut e „djeg“ Hakiun, llogaria rrafsh 1,450 euro

07:50:44                   2019-06-06

Pikëllimi i hidhur i një shqiptari gjatë pushimit në Maqedoninë e Veriut: Për shkak se celulari i Hakiut automatikisht u fut në roaming, ai tani duhet të paguajë pothuajse 1,450 euro.

Llogaritë e roamingut jashtë BE-së, ndonjëherë mund të jenë të tmerrshme. Një gjë të tillë e ka ndjerë në kurriz të tij Hakiu (31) nga Maqedonia e Veriut, me qëndrim në Austri.

Gjatë një pushimi të shkurtër në Maqedoninë e Veriut disa javë më parë, smartphoni i tij automatikisht u fut në roaming, shkruan „Heute“, përcjell Shtegu.com. Pa e ditur për këtë, në ndërkohë janë akumuluar shpenzimet e telefonit celular. „E lash telefonin celular në makinë dhe e hoq nga roamingu pas rreth 24 orësh“, thotë shqiptari 31-vjeçari me venbanim në Melk.

Surpriza e keqe pastaj erdhi në shtëpi, në faturën e ardhshme A1: Rrafsh 1,447.78 euro. Hakiu tashmë e ka paguar faturën: „Nuk kisha zgjidhje tjetër. Mirëpo, është irrituese, pasi bëhet fjalë për një pagë mujore“.

Për fat të keq, gjithmonë mund të ndodhin shpenzime të tilla jashtë vendit.