12:56:53 2019-06-06
Ende mbeten të paqarta shkaqet, por fakt është se mbrëmjen e së martës, rreth orës 22:20, para „Café Bar Lounge Focus“ në Ignaz-Harrer-Strasse 38 në Salzburg-Lehen, u dëgjuan dy të shtëna. Një plumb e goditi 46-vjeçarin Samir H., i dyti djalin e tij Xhenis H. (24). Babai vdiq në vendngajrje, përderisa paraprakisht po festonte lindjen e nipit të dytë të tij. Ndërkohë, policia ka publikuar një përshkrim të vrasësit: Autori i krimit dyshohet të jetë shqiptar.
Xhenis H., me prejardhje boshnjake, i cili sapo ishte bërë baba të premten e kaluar, të martën në restorant po bisedonte me prindin e tij. „Café Bar Lounge Focus“ është veçanërisht i vizituar nga boshnjakët që jetojnë në Salzburg, shkruajnë mediat austriake, përcjell Shtegu.com. Aktualisht menaxhohet nga dy shqiptarë. Të martën, nga njëra anë, është festuar përfundimi i Ramazanit (që nga e hëna) dhe nga ana tjetër, lindja e fëmijës, një djalë i Xhenis H.
Rreth orës 22:20 ai doli jashtë në poshtin e vizitorëve. Atje takoi një person ende të panjohur, i cili sipas përshkrimeve dyshohet të jetë nga Europa Juglindore. Të dy filluan zënkën, personi pastaj e ka goditur Xhenis H. dhe ofenduar, informon Shtegu.com. Ai e solli babain e tij nga kafeneja për t`i ndihmuar. Pastaj gjithçka ndodhi për pak sekonda: I panjohuri nxjerri një armë , duke shtënë mbi babai dhe djalin e tij. Për babain, çdo ndihmë eventuale ishte e vonshme.
Sulmuesi u arratis shumë shpejt, edhe pse kishte disa dëshmitarë. „Disa tashmë i kemi intervistuar. Por, ata bënë deklarata pjesërisht të ndryshme. Kjo është arsyeja pse ne po kërkojmë persona të tjerë që ishin atje“, ka thënë zëdhënësja e policisë, Nina Laubichler.
Xhenis H. u dërgua i plagosur në spitalin shtetëror. Por, ai nuk është në rrezik për jetë. Ai ka pësuar një plagë në kofshë dhe ka qenë i gatshëm të jap dëshmi të mërkurën. Megjithatë, policia fillimisht është dashur të priste një përkthyes, pasi boshnjaku nuk e flet sa duhet gjermanishten. „Ai më në fund tha se ai dhe babai i tij po konsumonin alkool në bar. Sipas deklaratave të tij, ai nuk e njihte sulmuesin, i cili e kishte sulmuar pa ndonjë arsye“, ka thënë më tej Nina Laubichler.
Vendi ku u shkaktua krimi, për momentin mbeti i mbyllur.
