23:37:39 2016-06-19
Skena kurioze kanë ndodhur në ndeshjen e fundit të Grupit A në mes të Zvicrës dhe Francës, e cila ka përfunduar pa fitues. Plotë shtatë fanella të Kombëtares zvicerane janë grisur, ndërsa në rastin e Admir Mehmedit është dashur të akordohet penallti, shkruan „Blick“, njofton „Shtegu.com“.
Skena e këtillë ka shkaktuar debate të shumtë: Në minutën 10`, futbollisti francez e tërheqë për fanelle Admir Mehmedin në zonën e rreptësisë aq shumë saqë ajo griset.
Mehmedi menjëherë ka reaguar te gjyqtari se duhet ta ndërrojë fanellën, por loja ka vazhduar edhe më tej. Një vendim i gabuar i gjyqtarit slloven.
Deri në minutën 35` janë grisur gjithsej gjashtë fanella të Kombëtares zvicerane, prej të cilave ajo e Xhemailit, Xhakës (dyfish) dhe Embolo . Sipas komentuesit të SRF janë grisur edhe fanellat e Fabian Schär dhe Valon Behramit.
Por, kjo nuk ishte edhe aq e rëndësishme, pasi Zvicra edhe praktikisht u kualifikua për një raund më tej.