Regjistrohet edhe refugjati më i vjetër në histori, plaku 110-vjeçar

284 Lexime

Si duket, është regjistruar edhe refugjati më i vjetër që njehë ndonjëherë historia e njerëzimit: Në Passau të Gjermanisë, një plak i moshës 110 vjeçare ka ardhur nga Afganistani. Sipas rrëfimit të vajzës së tij, familja e kishte bartur plakun deri në Gjermani.

 

 

Mediet gjermane informojnë për një refugjat të pazakonshëm që thuhet se i ka hiq më pak se 110 vite dhe i cili ka ardhur në Passau të Gjermanisë me familjen e tij nga Afganistani. Policia federale gjermane e ka konfirmuar rastin të cilin e kishte bërë publik „Bayerischen Rundfunks“, transmeton „Shtegu.com“. Paraprakisht, plaku i dobët me shëndet, rrugën e arratisë e kishte marrë së bashku me tetë anëtarë të familjes së tij, për një muaj të tërë.
Vajza e tij 60-vjeçare, për policinë gjermane kishte deklaruar se anëtarët meshkuj të familjes, e kishin bartur plakun e shurdhër e të verbër nëpër shumë rrugë, deri sa nuk kanë arritur në Gjermani. Arsyeja për arratisjen e familjes së katër gjeneratave ka qenë pasiguria që është krijuar në vendlindjen e tyre në Baghlan. Tre vëllezër të tyre janë vrarë nga talibanët radikalë.

 

 

Policia gjermane nuk ka mundur ta konfirmojë moshën e sigurt të plakut, pasi ai nuk posedon dokumente për identifikim. Prandaj, mosha e plakut është regjistruar „pa garancë“, ndërsa përkthyesit i kanë trajtuar informacionet e familjes si të besueshme. (Shtegu.com)