„Është e tmerrshme ajo që vandalët i kanë bërë kopshtit tonë“
Një familje nga ëinterthuri në Zvicër është tronditur. Persona të panjohur ua shkatërruan kopshtin e tyre, duke etiketuar muret dhe mobiljet me parrullat e „propagandës nacionaliste serbe“.
„Policia na kontaktoi të mërkurën për të na thënë se kopshti ynë familjar i vendosur në Töss (ZH) ishte shkatërruar“, raporton lexuesija e „20 Minuten“ Meliha A. Mobiljet dhe të korrat janë shkatërruar. Kudo në afërsi janë vendosur etiketa. „Gjithashtu, edhe flamuri ynë boshnjak është zhdukur“, ka rrëfyer 18-vjeçarja.
Ajo që e skandalizon më shumë këtë rast, është natyra e etiketave: Emri i kriminelit të luftës Ratko Mlladiq është shkruar në një tryezë dhe masakra e Srebrenicës u glorifikua përmes shenjave në dysheme, informon Shtegu.com. Kryqi serb është shënuar gjithashtu në disa vende. „Kjo është propagandë nacionaliste serbe“, thotë Meliha A. E gjithë familja e saj është e tronditur. “Prindërit e mi e mbijetuan luftën. Ky incident na ktheu sërish në kujtime të errëta”.
Të kontaktuar, Policia e Qytetit të ëinterthurit (ZH) e ka konfirmuar rastin. „Besojmë se veprimet kanë një motiv politik“, shpjegon zëdhënësi Micheal ëirz. Hetimi është në rrjedhë e sipër.
Eksperti i Europës Juglindore, Cyrill Stieger nuk është i befasuar që vandalët po i referohen Srebrenicës: „Gjykata e KB për krimet e luftës, masakrën e quajti gjenocid“.