15:33:57 2016-09-13
Analisti i njohur nga Shkupi, njëherit profesor në Fakultetin e Komunikimit në UEJL, Prof. Dr. Sefer Tahiri, në një postim të vetin në Facebook ka shprehur indinjatën e thellë ndaj Drejtorisë së të Ardhurave Publike, një institucion i cili është duke keqtrajtuar qytetarët në këto momente të rënda për ta, kur frika dhe brenga e tyre pas tërmeteve të ditëve të fundit, janë bërë pjesë e pandashme e përditshmërisë së tyre. Ja se si z. Tahiri e komenton fuknsionimin e këtij institucioni:
Mbledhja e haraçit, qytetarët nënçmohen !
Qytetarët përveç se përballen me stresin nga tërmetet, këtyre ditëve përballen me neglizhencën e Drejtorisë së të Ardhurave Publike, e cila i detyron ata të presin në radhë mbi tre orë, për të marrë njoftime mbi borxhin e taksës radiodifuzive ose për të konfirmuar shlyerjen e borxhit.
Në hyrje të TVM-së, gjendet sporteli, në të cilin punon vetëm një zonjë. Ironia që të jetë më e madhe, kjo zonja i pranon kërkesat dhe pastaj shkon disa metra më larg, ku e të vendosur kompjuterin dhe printerin e saj, për të nxjerrë kartelën analitike ose për të të evidentuar shlyerjen e borxhit, me anë të fletëpagesave.
Çdo qytetar i humb së paku 30 minuta në sportel, i cili punon vetëm deri në orën 16:00. Paramendoni mund të ndodh të prisni 3 orë dhe në fund kur bëhet ora 16:00, sportelistja e mbyll „dyqanin“ e saj.
Sistemi i prishur në kokë!
Marre, marre, marre! Mos u tallni me qytetarët! Mjaft më.